A Factoría é un dos nomes cos que se coñecen popularmente os estaleiros en Ferrol, corazón do espírito colectivo, rebelde e obreiro da comarca.
A Factoría é tamén o espazo formativo de Rexenerando S. Coop. Un lugar desde o que contribuír á construción colectiva de relacións humanas máis xustas e integrar nas nosas prácticas diarias a revolución que supón aprender a traballar mellor en grupo.
Curso Básico de Facilicitación de Grupos
Curso Básico de facilitación de grupos acreditado polo Instituto de Facilitación e Cambio (IIFACe). Dirixido a todas aquelas persoas participantes de grupos, comunidades ou organizacións interesadas en mellorar o seu funcionamento grupal facilitando cambios positivos dunha forma participativa, innovadora e que potencie a diversidade.
Curso Medio de Facilicitación de Grupos
Curso Medio de Facilitación de Grupos acreditado polo IIFAC-e, con Anna Pujol e César Fernández na coordinación e a docencia. Esta formación dá continuidade ao Curso Básico, e o seu obxectivo é ofrecer un espazo no que afondar e poñer en práctica as habilidades, técnicas e ferramentas básicas para a facilitación de procesos grupais. A través da experimentación co propio grupo, as persoas participantes terán a oportunidade de co-facilitar con supervisión das formadoras do curso
Datas:
Novembro 2022 a xuño 2023
Inscrición:
Até o 21 de outubro
Lugar:
Santiago de Compostela
Formación bonificada:
Formación bonificada pola Fundae —Fundación Estatal para a Formación no Emprego.
Dossier
Formacións pasadas
Ei ti, sé ti!
Espazo vivencial no que afondar na identidade persoal, acilitado por Anna Pujol e César Fernández.
O obxectivo é ampliar a consciencia e claridade sobre cales son elementos mais significativos que conforman, de maneira xenuína, a nosa identidade, iso que nos fai ser nós mesmas e que nos permite sentirnos máis libres e aportar máis valor ás nosas vidas e ao mundo.
Destinado a educadoras/es, facilitadoras/es, mediadoras/es, activistas sociais, animadores/as socioculturais e, en xeral, calquera persoa interesada na transformación social.
Do conflito ao soño
Curso orientado a profesoras e profesores, mestres e mestras, con interese en reforzar as súas habilidades docentes. O obxectivo é fornecer ferramentas para xestionar os numerosos desafíos que as profesionais da educación afrontan dentro e fóra da aula.
Baseándose no Traballo de Procesos, tanto para facilitar unha caixa de ferramentas prácticas coma un espazo de foro para o intercambio de experiencias con outras profesionais da educación, desenvolveranse aquelas habilidades coas que conta cada persoa para desempeñar o seu traballo dun xeito efectivo e respectuoso consigo mesma e co resto da comunidade educativa.