Proxecto de visibilización de mulleres históricas do Concello. No outono do 2019 comezamos unha investigación participativa con axentes locais. Nela, a través da consulta de documentación e de entrevistas á veciñanza, tentamos rescatar a historia das mulleres de Bergondo; das pioneiras, das esquecidas, das invisibles, das rebeldes, das que abriron camiño.
Este proceso derivou nun primeiro roteiro aberto e unha publicación. Desde entón, cada edición do programa integra novas pezas que enriquecen a investigación e devolven os resultados á cidadanía: videoguías, sinaléctica, renomeamento dos centros cívicos e outros espazos municipais, obradoiros con profesorado e alumnado, accións artísticas, etc.
Podes coñecer máis do proceso de traballo e os elementos xerados nel en www.bergondo.gal/descubre-bergondo/bergondo-en-feminino/
Levamos a cabo a coordinación do proxecto, o deseño, e a súa execución.
