Recursos

CAPA_DESCATALOGO_FEMINISTA-1

Descatálogo feminista

Proxecto de sensibilización en relación á violencia de xénero, enmarcado nas accións do Pacto de Estado. Os seus obxectivos: contribuír a reflexión social para identificar, carnalizar e transformar as violencias a través da creatividade feminista.

Formato:
PDF

Clienta:
Concello de ferrol

Ano:
2019

PUBLICACION_ML_PANT-1

Malas Linguas

O galego precisa redefinir a súa folla de ruta para activar falantes no século XXI. Para contribuír a ela, a Deputación da Coruña organiza as xornadas Malas linguas, unha oportunidade para facer diagnose, analizar a situación actual e, desde aí, trazar, imaxinar e coller folgos para continuar o camiño da normalización lingüística do galego.

Formato:
PDF

Clienta:
Deputación da Coruña

Ano:
2019

CAPA_SOASERRA

Soaserra, memoria dun século

A publicación «Soaserra: memoria dun século» é o resultado dun obradoiro de historia oral e saúde comunitaria desenvolvido na parroquia de Soaserra, Cabanas, entre outubro e decembro do 2018. Nela recóllese o relato colectivo de cen anos de historia no lugar; cen anos que ninguén das asistentes viviu, pero dos que coñecen historias, persoas e lugares como se os viran cos seus propios ollos.

Formato:
PDF

Clienta:
Concello de Cabanas

Ano:
2019

CAPA_MANUAL_IMAXINAR

Imaxinar para transformar

Manual para o traballo en colectivo

O Gabinete de Imaxinación Política é un dos proxectos desenvolvidos no Laboratorio Cidadá da Coruña; un lugar de encontro entre artistas, activistas e a universidade para crear en común ferramentas e dispositivos cos que dotar ás persoas participantes dunha maior autonomía política a través de prácticas artísticas colaborativas, o activismo online e as ferramentas de facilitación de grupos.

Formato:
PDF

Clienta:
Co-Lab (Concello da Coruña)

Ano:
2017

CAPA_PASQUIN_IRMANDADES-1

Ferrol coas Irmandades da Fala

Un paseo para descubrir a nosa grande achega á cultura galega

O roteiro ‘Ferrol coas Irmandades da Fala’ ten como obxectivo dignificar a memoria da cidade e salientar a súa grande achega á cultura galega, difundindo o fenómeno cultural e político das Irmandades da Fala. Un paseo para pensar a cidade desde lugares, fitos e persoas que marcaron o seu devir no primeiro terzo do século XX.

Formato:
PDF

Clienta:
Concello de Ferrol

Ano:
2016-2018

GUIA_FERROL_REBELDE

Ferrol Rebelde

Un paseo por 100 anos de historia obreira

O roteiro ‘Ferrol rebelde’ ten o obxectivo de dignificar a memoria da cidade e a súa historia obreira, difundindo a importancia do movemento obreiro ferrolán entre o 1871 e o 1972. Un paseo para pensar a cidade desde os lugares, fitos e persoas que deixaron pegada na loita polos dereitos laborais e sociais en Ferrol e no conxunto do país.

Formato:
PDF

Clienta:
Concello de Ferrol

Ano:
2016-2018

CAPA_RECETARIO_ONDAS_2018

Protexe quen coñece

Receitario didáctico de Ondas de ilusións

Neste documento atoparás un feixe de ideas e propostas para afondar co teu alumnado no coñecemento da contorna litoral e os mares. O Receitario enmárcase nas actividades do programa do GALP Norte Ondas de ilusións: ondas do mar, e ten como protagonista á Ameixa Tareixa, unha compañeira sen igual para que descubrir o lugar no que vivimos e implicarnos no seu coidado.

Formato:
PDF

Clienta:
GALP Norte

Ano:
2018